Aplikimet për hipotekë në SHBA vazhduan të rriten ndërsa normat e interesit të hipotekave ranë, sipas një raporti të mërkurën nga Shoqata e Bankierëve të Hipotekave (MBA).

Indeksi i përbërë i tregut, një masë e volumit të aplikimit për kredi hipotekare, u rrit me 0.3% në bazë të rregulluar sezonalisht për javën që përfundon më 24 nëntor, krahasuar me javën e kaluar.

"Kishte një rritje të lehtë të aplikacioneve në përgjithësi, e nxitur nga një rritje prej pesë për qind në aplikimet për blerje, por aplikacionet për rifinancim u ulën gjatë javës," tha në një deklaratë zëvendëspresidenti i MBA, njëherësh  zëvendëskryeekonomisti Joel Kan.

Sunak këmbëngul se Britania duhet “t’i përmbahet planit” për të ulur inflacionin - KosovaPress

Norma fikse e hipotekës 30-vjeçare ra në 7.37%, nga 7.41% një javë më parë, duke arritur nivelin më të ulët në 10 javë. Norma ra me 25 pikë bazë për javën që përfundon më 3 nëntor, duke regjistruar rënien e saj më të madhe njëjavore që nga korriku i vitit 2022.

Norma mesatare e interesit të kontratës për një hipotekë 15-vjeçare me normë fikse ra në 6.88% nga 6.89%.

Anketa MBA mbulon më shumë se 75% të aplikacioneve të hipotekave rezidenciale në SHBA. /AA