Anglia ka siguruar kualifikimin në gjysmëfinale të Kupës së Botës, pasi mposhti Norvegjinë në çerekfinale me përmbysje, në një ndeshje që u shoqërua edhe me polemika rreth golit të dytë të anglezëve.

Norvegjia ishte skuadra që kaloi e para në epërsi, kur Andreas Schjelderup realizoi në minutën e 36-të. Megjithatë, Jude Bellingham u shndërrua në heroin e Anglisë duke shënuar dy gola – të parin në minutën e dytë të kohës shtesë të pjesës së parë dhe të dytin në minutën e tretë të vazhdimeve, për t’i siguruar ekipit të tij kalimin në katërshen më të mirë të turneut.