Ancelotti shpjegon pse Vinicius Jr. nuk e gjuajti penalltinë ndaj Norvegjisë
Dëgjoje me zë...
Ancelotti shpjegon pse Vinicius Jr. nuk e gjuajti penalltinë ndaj Norvegjisë
Trajneri i Brazilit, Carlo Ancelotti, ka sqaruar arsyen pse Vinicius Junior nuk e ekzekutoi penalltinë në ndeshjen ndaj Norvegjisë, e vlefshme për fazën e 16-të të Kupës së Botës.
Penalltia iu besua Bruno Guimarães, i cili nuk arriti të shënonte, pasi gjuajtja e tij u prit nga portieri norvegjez Orjan Nyland. Brazili u mposht 2-1 dhe u eliminua nga turneu.
Pas ndeshjes, Ancelotti zbuloi se stafi teknik kishte vendosur para takimit rendin e ekzekutuesve të penalltive, bazuar në statistika. Sipas tij, Neymar ishte zgjedhja e parë, i ndjekur nga Igor Thiago, Raphinha, Bruno Guimarães dhe Gabriel Martinelli.
“Në atë moment, Neymar, Igor Thiago dhe Raphinha nuk ishin në fushë, ndaj Bruno Guimarães ishte zgjedhja jonë. Ne besonim se ai ishte lojtari më i mirë në fushë,” deklaroi tekniku italian.
Ndërkohë, Vinicius Junior nuk ishte pjesë e listës së ekzekutuesve kryesorë të penalltive. Neymar u aktivizua në pjesën e dytë dhe realizoi një penallti në kohën shtesë, por goli i tij nuk mjaftoi për të shmangur eliminimin e Brazilit nga Kupa e Botës.
KosovaPress
