Ambasadorja e Izraelit në Kosovë Tamar Ziv ka uruar sot të gjithë besimtarët myslimane në prag të fillimit të muajit të shenjtë të Ramazanit.

“Urimet e mia më të ngrohta për të gjithë miqtë në Izrael, Kosovë dhe në mbarë botën në prag të fillimit të muajit të shenjtë të Ramazanit. Ramadan Kareem, Gëzuar Ramazanin!, Ramazan Sherif mubarek olsun!, Bahtalo Ramazano!”, ka shkruar ambasadorja Ziv në urimin e saj në rrjetin shoqëror X.

Ramazani, i cili fillon nesër, është muaji i agjërimit, që do të thotë shmangia e ushqimit dhe lëngjeve, marrëdhënieve intime, fjalëve dhe sjelljeve të këqija dhe gjërave të tjera të ndaluara në Islam. Agjërimi është një nga pesë shtyllat e Islamit dhe zgjatë nga agimi deri në perëndimin e diellit.