Shëndeti mendor dhe ai fizik, çdo ditë po bëhen më të rëndësishme për njeriun. E për ta mbajtur një shëndet mendor dhe fizik pa stres, ankth dhe depresion, ditën e sotme ka metoda të ndryshme. Metoda më e mirë për të larguar këto sëmundje është meditimi kuantik dhe teknikat e frymëmarrjes të cilat ndihmojnë në uljen e stresit dhe ankthit. Kështu u tha sot në aktivitetin për përmirësimin e shëndetit mendor që u mbajt në Prishtinë.

Këto lloj aktivitete ka filluar t’i mbaj edhe trajneri, Jetmir Sefa, i vetmi në Ballkan që bënë organizime të tilla, i cili sot në orët e hershme të mëngjesit ka mbajtur meditim në parkun e “Gërmisë”.

Ndërsa, Artan Beqiri, i cili ishte pjesë i këtij aktiviteti sot, është shprehur se në fillim ndjen dridhje dhe marramendje në trup, të cilat i prodhon mendja për t’i thyer “kufijtë” e vet që ka ndërtuar në një zonë rehatie.

Sipas tij, sa më shumë që e ushtron këtë aktivitet, ndjen pastrim të brendshëm, çlirim prej të cilit ndjehet plot jetë brenda vetës.

E njëjta, ka thënë se qe dy vite mediton në shtëpi, por gjatë realizimit të këtij aktiviteti sot e ka parë se e ka bërë në mënyrë jo të duhur.

Ankthi është ndjenja që disa qytetarë kanë kur janë të shqetësuar ose të frikësuar për diçka.