Përfaqësues të akademive ndërkombëtare dhe organizatave partnere morën sot pjesë në ceremoninë e kremtimit të 155-vjetorit të themelimit të Akademisë e Shkencave të Bullgarisë (BAS) në Sofje.

Të pranishëm ishin shkencëtarë nga 15 organizata shkencore botërore dhe Këshilli Këshillimor i Shkencës i Akademive Evropiane (EASAC).

Presidenti i BAS-it Julian Revalski tha se bashkëpunimi ndërkombëtar është ndër prioritetet e BAS-it. Duke iu drejtuar të ftuarve në ceremoni, ai prezantoi historinë dhe veprimtarinë e BAS në fusha të ndryshme shkencore. Aktualisht, BAS realizon 40% të prodhimit shkencor të Bullgarisë, shpjegoi Revalski, duke vënë në dukje gjithashtu rëndësinë e projekteve të përbashkëta kërkimore ndërkombëtare.

BAS ka marrëdhënie të gjata me organizata të huaja shkencore dhe arsimore dhe zbaton një politikë aktive që synon partneritetin shkencor ndërkombëtar.

Festimet e 155-vjetorit të BAS përfshijnë edhe një koncert në Shtëpinë e operës dhe baletit të Sofjes. /BTA