Që nga janari e deri në shtator të këtij viti janë regjistruar 38 sulme ndaj gazetarëve. Ndërsa, viti 2023 nga Asociacioni i Gazetarëve të Kosovës po cilësohet si viti me më së shumti sulme ndaj gazetarëve me 74 të tilla.

Gjatë prezantimit të raportit vjetor “Treguesit e nivelit të lirisë së mediave dhe sigurisë së gazetarëve dhe Indeksin e Sigurisë së Gazetarëve në Ballkanin Perëndimor, drejtoresha ekzekutive e AGK-së e hulumtuesja, Getoarbë Mulliqi ka thënë se një sfidë tjetër ndaj gazetarëve ka qenë edhe ngacmimi i shpeshtë seksual.

Ndërsa, eksperti ligjorë, Ylli Zekaj ka shtuar se edhe pse AGK ka pasur takime të vazhdueshme me Këshillin Gjyqësor dhe Prokurorial, ende nuk ka ndarje të lëndëve sipas profesionit, e kjo sipas tij, po i dëmton gazetarët.

Po ashtu, hetuesja Leonita Morina ka theksuar se njëra nga pengesat kryesore që gazetarët hasin gjatë punës së tyre janë edhe paditë strategjike kundër pjesëmarrjes publike.

Edhe pse nuk ka të dhëna të sakta ndaj padive slap, AGK ka krijuar një data bazë në të cilën janë mbi 35 raste.

Përveç sulmeve e kërcënimeve, sfidë tjetër e gazetarëve janë edhe kontratat e pagat e ulëta.

Lajmi i plotë në sistemin me parapagim...