Rafaela Pimenta, agjentja e Erling Haaland, ka hedhur poshtë spekulimet se sulmuesi i Manchester City, mund të jetë në shënjestër të Barcelonës.

“Kam thënë shpesh se kemi shumë respekt dhe admirim për Barcelonën, por nuk ka pasur asnjë kontakt”, deklaroi Pimenta.

Ajo saktësoi se nuk ka pasur biseda as me Haaland, as me drejtuesit e Barcelonës lidhur me ndonjë transferim të mundshëm.

“Gjithçka po shkon shumë mirë për të te Manchester City dhe në këtë moment nuk kemi asgjë për të diskutuar për një transferim” – shtoi Pimenta.

Kjo deklaratë vjen pas raportimeve gjatë procesit të zgjedhjeve në Barcelonë, që sugjeronin mundësinë e një opsioni për të siguruar Haaland në të ardhmen, por agjentja e lojtarit e ka mohuar kategorikisht çdo kontakt.

KosovaPress

/Kosovapress/