Futbollistët e Bayer Leverkusen vazhdojnë të ndjekin Bayern Munih në garën gjithnjë e më të ashpër për titullin e kampionit në Bundesligës gjermane.

Granit Xhaka me bashkëlojtarë sonte në Dortmund siguruan tri pikë të rëndësishme në betejën ndaj Borussia me rezultat 3:2.    

Mysafirët erdhën në epërsi qysh në minutën e parë me golin e Tella, pas asistimit të Andrich.

Shtatë minuta më vonë vendësit u tronditën serish kur sulmuesi çek Schick shënoi, pas asistimit të Hincapie.

Borussia katër minuta më vonë arriti të zvogëlojë  avantazhin e mysafirëve me golin e Gittens.

Kur pritej që skuadra vendëse të rikthehej për një barazim në fushë, Schick shënoi golin e tij të dytë dhe të tretin për Bayer, pas asistimit të Frimpong në minutën e 19-të. Guirasso nga penalltia në minutën e 79-të shënoi për epilogun 2:3.

Pas 16 xhirosh, Bayer renditet i dyti në tabelë me 25 pikë, një më pak se Bayer Munih, por një ndeshje më pak. Borussia Dortmund është në pozitën e gjashtë me 25 pikë.

Të shtunën zhvillohen takimet Heidenheim-Union Berlin, Freiburg-Holstein Kiel, Hoffenheim-Wolfsburg, Mainz 05-Bochum, St.Pauli-Eintracht Frankfurt dhe Borussia M’gladbach-Bayern Munih.

Xhiroja e radhës e Bundesligës përmbyllet ditën e diel me duelet Leipzig-Werder Bremen dhe Augsburg-Stuttgart.