Rreth një mijë vetë protestuan sonte para Qeverisë së Malit të Zi në shenjë indinjate me tragjedinë në Cetinje, ndërkohë që po mbahej seanca e Këshillit të Sigurisë Kombëtare në ndërtesën e qeverisë.

Protestuesit kërkuan llogari dhe largimin e lidershipit në sistemin e sigurisë.  Ata mbanin pankarta "Duart e juaja janë të përgjakur", "Sistemi juaj është i kalbur" dhe "12 minuta heshtje" dhe brohoritën "Vrasës, dilni" dhe "Dorëheqje", teksa  kanë përmendur edhe emrat e viktimave.

Protestuesit janë irrituar veçanërisht nga paraqitja e dhjetëra policëve para ndërtesës së Qeverisë duke thirrur “Ku ishit më 1 janar?”, “Në gropa, turp të kini”, “Banda”.

Më herët në media u publikuan informacione se në kohën e tragjedisë në Cetinje, një qytet me rreth 16 mijë banorë, kishte vetëm 9 policë.

Të mërkurën, Aco Martinoviq nga Cetinja vrau 12 persona dhe plagosi rëndë katër të tjerë. Në mesin e viktimave janë edhe dy fëmijë.

Një protestë për të dielën në Cetinje dhe Podgoricë është paralajmëruar nga një grup joformal studentësh.