Shtatë persona, mes tyre dy fëmijë, kanë vdekur në një krim pasditen e sotme në Cetinje.

Policia është vënë në kërkim të Aco Martinoviq nga Cetinja. Katër persona të cilët besohet se janë plagosur janë pranuar në Qendrën Klinike.

Martinoviq ka nisur krimin në tavernën "Velestovo", afër Qendrës Sportive. Pas krimit në atë tavernë, vazhdoi festën e përgjakshme.

Fillimisht, në lokal raportohet të ketë ndodhur një përleshje, pas së cilës i kërkuari ka nxjerrë armën dhe ka qëlluar.

Drejtoria e Policisë i ka apeluar qytetarëve të Cetinjes të qëndrojnë në objektet e tyre banesore, ndërsa të gjitha njësitet policore në dispozicion janë në terren dhe janë duke ndërmarrë aktivitete në kuadër të juridiksionit të tyre me qëllim të vënies nën kontroll të situatës dhe ndjekjes penale të autorëve.