Nën ftohjen e raporteve mes kryeministrit të Shqipërisë, Edi Rama dhe kryeministrit të Kosovës, Albin Kurti, po festohet 28 nëntori - Dita e Flamurit Kombëtar. Përkundër që kryeministri Kurti mori pjesë sot në ceremoninë e ngritjes së flamurit në Vlorë, me rastin e 112 vjetorit të Pavarësisë së Shqipërisë, raportet mes dy homologëve po konsiderohen se janë në pikën më të ulët për shkak të qëndrimeve të kundërta dhe përplasjeve në distancë, kryesisht për dialogun Kosovë-Serbi dhe raportet e Kosovës me aleatët ndërkombëtarë.
Analistë politik në Shqipëri konsiderojnë se periudhat e tensionit dhe përplasjeve ndërmjet dy kryeministrave kanë krijuar një atmosferë të ftoftë edhe ndërmjet dy vendeve. Mirëpo, në partinë në pushtet në Kosovë, Lëvizjen Vetëvendosje, thonë se përkundër dallimeve siç i quajnë ata në nuanca të Kurtit me Ramën, bashkëpunimi mes Kosovës dhe Shqipërisë vetëm sa po thellohet.
Ai thotë politikanët e Shqipërisë dhe Kosovës duhet të marrin shembull të bashkëpunimit dy akademitë e shkencave të cilat po punojnë bashkërisht për projektin e enciklopedisë.
Mirëpo, deputeti i Lëvizjes Vetëvendosje, Driton Hyseni, thotë se bashkëpunimi ndërmjet Kosovës dhe Shqipërisë është në nivelin e duhur, përkundër dallimeve shpeshherë në qëndrime të kryeministrave Rama-Kurti.Krahas kësaj, deputeti nga shumica parlamentare thotë se marrëveshjet e nënshkruara ndërmjet dy vendeve po zbatohen dhe se po rriten shkëmbimet tregtare.
Kosova dhe Shqipëria nën udhëheqjen e kryeministrave Kurti dhe Rama - pothuajse katër vite kanë mbajtur vetëm dy mbledhje të qeverive.
Lajmi i plotë në sistemin me parapagim...
