Gjatë 20 vjetësh, ADAC kreu 2500 teste në të cilat kontrolloi konsumin e karburantit të pothuajse të gjitha modeleve në treg.

Me eko-testin e saj, ADAC po kërkon një përgjigje për pyetjen se sa një makinë individuale e ndot realisht mjedisin dhe sa emetime dyoksid karboni janë në praktikë. Me pak fjalë, përveç matjes WLTP, ky eko-test përfshin edhe lëvizjen në autostradë, ku monitorohet se si funksionon sistemi i pas trajtimit të gazrave të shkarkimit. Gjithashtu, shkarkimi verifikohet në kushte laboratorike.

Tani, pas dy dekadash, ADAC ka vendosur të përmbledhë testet e saj dhe të zgjedhë modelet më të mira dhe më të këqija në kategori individuale.

Modele me motor benzine

Nuk ka dyshim se këtu vlen dominimi absolut i makinave japoneze, ose më saktë Toyota-s. Dhe kjo do të thotë vetëm një gjë, Toyota ka një makinë të shkëlqyer hibride, konsumi i së cilës varionte nga 4.1 l/100 km në Prius nga viti 2016 në 4.8 l/100 km siç konsumohej nga gjenerata e mëparshme Yaris, gjithashtu në edicionin hibrid. Atyre u bën shoqëri Suzuki Celerio i vockël me 4,8 l/100 km.

Në anën tjetër të spektrit, shembulli më i keq sipas ADAC është Chevrolet Camaro. I pajisur me një përbindësh 6.2 V8, ai harxhonte 12.4 l/100 km. Pastaj është BMW M5 (11.1 l/100 km), Porsche Macan S, Ford Mustang 5.0 Ti-VCT dhe disi çuditërisht, Kia Stinger 3.3 T-GDI V6 GT AWD.

Dizelët janë edhe më ekonomikë

Edhe pse markat japoneze nuk janë superiore këtu, statusin e më ekonomikes e ka modeli japonez, Mazda 2 me një mesatare prej 4.1 l/100 km. Në top pesëshen ka edhe tre të vegjël të tjerë, si dhe një kompakt.

Bëhet fjalë për një Mazda 3 me të njëjtin motor dizel, që është një tjetër dëshmi e ekonomisë së motorit SKYACTIV-D.

Ndër dizelët “më të kotë”, Land Rover Defender 90 është në krye me një mesatare prej 9,8 l/100 km. Të gjithë të tjerët shpenzuan dukshëm më pak.

Makinat më të mira elektrike

Edhe këtu, makinat më të vogla konsumojnë më pak. Tesla nuk është afër, dhe Hyundai dominon sipas rezultateve. Rezultati më i mirë është 14.7 kWh/100 km, dhe është Ioniq i vitit 2017. Të gjitha modelet më të reja Hyundai Ioniq konsumojnë më shumë dhe i vetmi që i konkurron për sa i përket konsumit është VW e-up i vogël me 16.7 kWh/100 km.

Dhe nga ana tjetër, furgonët e mëdhenj janë në klubin e më shpenzuesve. Mercedes-Benz EQV 300 është lider me një mesatare prej 30.9 kWh/100 km.

Gama më e madhe e modeleve elektrike ka ndryshuar në mënyrë drastike gjatë viteve. Në vitin 2011, Peugeot iOn i vogël tejkaloi 95 km, në vitin 2015 diapazoni mesatar i makinave të testuara ishte 149 km dhe në 2020 ishte 285 km. Këtë vit, diapazoni mesatar i modeleve të testuara u rrit në 425 km.

​Porsche raporton fitime më të larta - KosovaPress