Abdixhiku: Po rikthehemi fuqishëm
Zgjedhjet 2025
Lexohet për: 1 min.
Lidhja Demokratike e Kosovës ka mbajtur tubim elektoral në Istog prej ku kandidati për kryeministër, Lumir Abdixhiku tha se “rikthimi i madh i LDK-së po realizohet”.
“Ne po rikthehemi fuqishëm”, tha Abdixhiku.
Gjatë fjalimit të tij, Abdixhiku tha se për katër vite “qeveria Kurti ka përçarë popullin kosovar”.
“Për ata që provojnë ta marrin rugovizmin nga LDK, o të shkretë e o të mjerë, LDK, Rugova e Istogu janë një. Këtu ka lindur rugovizmi e këtu jeton Lidhja Demokratike e Kosovës”, tha ai.
Abdixhiku në Istog foli për programin qeverisës ku zotim të parë radhiti rritjen e pagave në sektorit publik.
Pjesë e listës së premtimeve ishte edhe themelimi i Ministrisë e Familjes dhe Mirëqenies.
Abdixhiku ftoi të ftuarit që të marrin pjesë në tubimin përmbyllës të LDK-së me datë 8 shkurt, nga ora 18:00, në sheshin “Ibrahim Rugova”, në Prishtinë.
“Ky tubim do mbahet mend përherë”, tha ai.
