Gjykata Themelore në Ferizaj ka aprovuar kërkesën e Prokurorisë për Krime të Rënda, për caktimin e masës 40 ditë paraburgim ndaj të pandehurit F.K., i kërkuar nga Maqedonia e Veriut për shkak të dyshimit të bazuar se ka kryer veprën penale vrasja e rëndë.

Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë se kundër të pandehurit është lëshuar urdhër arrest ndërkombëtar nga Interpoli, me kërkesa të datave 25 korrik 2008 të shtetit të Maqedonisë së Veriut.

Me këtë rast palët njoftohen se ankesa kundër këtij aktvendimi nuk e shtyn ekzekutimin e tij.