24-vjetori i masakrës, krerët shtetërorë: Serbia bëri gjenocid ndaj shqiptarëve në Izbicë
Lexohet për: 1 min.
1 vit më parë
Linku u kopjua
Në 24-vjetorin e masakrës të Izbicës ku mbetën të vrarë 147 shqiptarë, krerët e shtetit kanë bërë homazhe në kompleksin memorial të Izbicës. Nga aty krerët e shtetit thanë se Izbica është dëshmi e gjenocidit të Serbisë ndaj popullit të Kosovës.
Presidentja e Republikës së Kosovës, Vjosa Osmani u shpreh se masakra e Izbicës ka qenë ndër më të tmerrshmet që Serbia si shtet gjenocidal bëri ndaj popullit të Kosovës.
Ajo tha se edhe Izbica është njëra ndër dëshmitë e shumta që shteti serb ka kryer gjenocid dhe qëllim kishte shfarosjen e shqiptarëve.
Kryeministri i Kosovës, Albin Kurti pas homazheve deklaroi se do të angazhohen për të sjellë drejtësi për viktimat dhe familjet e gjenocidit të bërë nga Serbia.
Ai tha se sot krahas 147 personave të vrarë dhe 6 të pagjeturve, sot kujtojnë dhe nderojnë edhe Mustafë Dragajn, të mbijetuarin e masakrës i cili pati dëshmuar kundër Sllobodan Millosheviqit, në Tribunalin e Hagës.
