Bayern Munih ka konfirmuar se mesfushori 17-vjeçar Erblin Osmani ka nënshkruar një kontratë të re afatgjatë me klubin bavarez. Marrëveshja do të shndërrohet automatikisht në kontratë profesionale sapo lojtari të mbushë 18 vjeç.

Osmani konsiderohet një nga talentët më premtues të akademisë së Bayernit. Mesfushori defensiv ka kaluar nëpër të gjitha grupmoshat e klubit që nga viti 2017 dhe gjatë sezonit të kaluar debutoi edhe me ekipin e parë nën drejtimin e Vincent Kompany. Në edicionin 2026/27 ai pritet të luajë kryesisht me ekipin U19, ndërsa njëkohësisht do të stërvitet rregullisht me skuadrën e parë.

Kontrata e re është një tjetër sinjal i besimit të Bayern Munich ndaj zhvillimit të 17-vjeçarit, i cili shihet si një prej projekteve më të rëndësishme të klubit për të ardhmen.