Dy futbollistë me të njëjtin mbiemër, Hoxha, u shndërruan në protagonistë për Kosovën e Shqipërinë, në ndeshjet që këto dy kombëtare i zhvilluar të enjten, e para në Sllovaki ndërsa tjetra në Poloni, transmeton KosovaPress.

Kjo për faktin se të dy shënuan gola për ekipet e tyre, në lojët e barazhit për Kupën e Botës 2026.

Hoxha i Kosovës, emri i të cilit është Veldin e mbiemri faktik “Hodža” (nga gjuha gorane) dhe që ka lindur në Rjekë të Kroacisë, shënoi i pari. Ai barazoi rezultatin 1 me 1, me një gol të bukur.

Hoxha i Shqipërisë, Arbri, që ka lindur në Heidelberg të Gjermanisë, po që ka prejardhje nga Kosova, ia dha Polonisë golin e parë të ndeshjes, dhe të vetmin për kombëtaren kuqezi, në minutën 42.

Sidoqoftë, shënimi i tij nuk është se vlejti gjithaq, pasi nuk ishte i mjaftueshëm. Shqipëria humbi 1 me 2 dhe për pasojë, u eliminua e nuk shkon dot në Kupën e Botës

Kosova ka gjasa të mëdha të kualifikohet për kryegarën e futbollit botëror, në rast se e fiton dhe ndeshjen e radhës, ndaj Turqisë, që luhet më 31 mars në Fadil Vokrri të Prishtinës. /KosovaPress/

/Kosovapress/