Aktivistja e shoqërisë civile, Kaltrina Kamberi, ka thënë se politikani serb, Aleksandër Arsenijeviq duhet të mbahet përgjegjës për dhunën e ushtruar ndaj KFOR-it, meqë i njëjti është parë me pjesëtarë të maskuar të të ashtuquajturës “Mbrojtja civile” në Zveçan, kur janë sulmuar trupat paqeruajtëse.

Kamberi përmes një shkrimi në “X” ka publikuar edhe një fotografi, ku shihet Arsenijeviq me persona të maskuar.

“Aleksandar Arsenijeviq është parë me pjesëtarë të maskuar të të ashtuquajturës ‘Mbrojtja Civile’ në Zveçan më 29.05.2023, ditën kur janë sulmuar trupat e KFOR-it. Shumë nga këta persona të maskuar ishin të përfshirë në sulmin terrorist në Banjska më 24.09.2023”, ka shkruar ajo.

In the photo below, Aleksandar @Aco_Sfens is seen with masked members of the so-called "Civil Protection" in Zvecan on 29.05.2023, the day KFOR troops were attacked.

Many of these masked individuals were involved in the terrorist attack in Banjska on 24.09.2023.

His involvement… pic.twitter.com/XxjTbiExrh

— Kaltrina Kamberi (@ThisisKaltri) September 11, 2024

Sipas saj, nevojiten veprime të menjëhershme për ta mbajtur atë përgjegjës.

“Përfshirja e tij në orkestrimin e dhunës dhe trazirave është evidente dhe duhet dënuar. Nevojiten veprime të menjëhershme për ta mbajtur atë përgjegjës”, ka përfunduar ajo.

https://kosovapress.com/arrestohet-politikani-serb-aleksandar-arsenijeviq

Arsenijeviq njihet për veprime provokuese, për cka edhe është arrestuar disa herë nga Policia e Kosovës.