Përballja e barazhit në Ligën e Parë të Kosovës, mes Lirisë dhe Dinamos së Ferizajit, do të zhvillohet sot, një përballje vendimtare që mund të afrojë njërën nga skuadrat një hap më pranë Superligës për sezonin e ardhshëm.

Skuadra e Lirisë, që e mbylli sezonin në vendin e tretë, do të përballet me Dinamon e Ferizajt, e renditur e katërta. Ndeshja do të zhvillohet në stadiumin “18 Qershori” në Klinë, me fillim nga ora 16:00.

Fituesi i kësaj përballjeje nuk do ta ketë të sigurt ende promovimin, pasi në javën e ardhshme do të përballet me skuadrën që përfundon në vendin e tetë në Superligën e Kosovës, në një duel tjetër vendimtar për një vend në elitë.

Mbetet të shihet nëse Liria do ta vazhdojë serinë pozitive, apo Dinamo e Ferizajt do të arrijë të befasojë dhe të mbajë gjallë ëndrrën për Superligë.

Formacionet zyrtare:

Liria: E. Bislimi, Kurtaj, Nikqi, Fetahaj, Shabani, Kasume, Ademi, Hoxh, Useini, Qarri, Zogaj.

Dinamo Ferizaj: Enhar Cakolli, Aleksander Igeski, Bleon Axhami, Kenan Orana, Almedin Klinaku, Daniel Tette, Ardian Shaljani, Armend Gashi, Genc Berisha, Sokol Kiqina, Mohaison Mahmoud.

KosovaPress