Brazili është përfshirë nga shqetësimi pas dëmtimit të radhës të Neymar, i cili u detyrua të mungojë në ndeshjen e Santos FC ndaj San Lorenzo në kuadër të Copa Sudamericana. Ylli brazilian ka pësuar një dëmtim të lehtë muskulor në pulpën e këmbës, gjë që ngriti menjëherë alarmin te tifozët e “Seleçaos”.

Koordinatori mjekësor i Santosit, Rodrigo Zogaib, konfirmoi se bëhet fjalë për një edemë të lehtë, ndërsa rikuperimi pritet të zgjasë rreth dhjetë ditë. Pavarësisht shqetësimeve, stafi i kombëtares braziliane mbetet optimist se Neymar do t’i bashkohet grupit javën e ardhshme dhe do të jetë gati për FIFA World Cup 2026.

Ancelotti i ka bërë të qartë Neymarit se nuk do të ketë privilegje speciale. Sulmuesi brazilian nuk do ta mbajë shiritin e kapitenit dhe vendi i titullarit do të fitohet vetëm përmes performancës në stërvitje dhe në fushë. Po ashtu, tekniku italian ka vendosur kufizime të forta edhe për përdorimin e rrjeteve sociale dhe aktivitetet mediatike personale gjatë Botërorit.