Kylian Mbappe ka udhëtuar drejt Francës për të kërkuar trajtim të specializuar për problemin e tij të gjurit, duke shkaktuar tensione me stafin mjekësor të Real Madrid. Sipas mediave Mbappe është i pakënaqur me mënyrën se si klubi ka menaxhuar këtë dëmtim që e ka ndjekur prej më shumë se tre muajsh, dhe ka kërkuar këshilla nga specialistë jashtë Spanjës.

Ai kishte vazhduar të stërvitej dhe të luante edhe me dhimbje, por më pas vendosi të ndalojë për t’u përqendruar në rikuperim të plotë. Mungesa e tij ka ndikuar te Real Madrid, i cili e ka vendosur prioritet rikthimin e tij vetëm kur të jetë 100% i shëndetshëm, pa një datë të qartë kthimi.

KosovaPress