Kombëtarja e Kosovës ka nisur udhëtimin drejt Pragës, ku do të përballet me Çekinë në një ndeshje të rëndësishme ndërkombëtare.

Federata e Futbollit e Kosovës në faqen zyrtare në facebook, ka publikuar pamje nga udhëtimi i ekipit. “Dardanët” janë paraqitur në disponim të mirë dhe me optimizëm para kësaj sfide, duke synuar një rezultat pozitiv ndaj kundërshtarit.

“Drejt Çekisë për miqësoren e pare. Fokus, përkushtim dhe gati për sfidën që na pret” – shkruante në postim FFK-ja.

Ndërkohë, në postimin tjetër FFK-ja ka ndarë momentet e nisjes së futbollisteve drejt Pragës, të shoqëruar me fotografi nga aeroporti.

“Dardanët nisen për në Pragë” – shkruante në postimin e dytë të FFK-së.  

Ekipi ka zhvilluar përgatitjet e fundit para udhëtimit dhe prite të jetë e gatshme maksimalisht për përballjen.

Ndeshja ndaj Çekisë konsiderohet mjaft e rëndësishme për Kosovën, e cila synon të vazhdojë me paraqitje të mira dhe të konfirmojë formën e saj në arenën ndërkombëtare.

Kjo ndeshje për përzgjedhësinë Franco Foda, vlen si testim për formacionin, si dhe dhënien e hapësirave për disa nga lojtarët e rinjë që janë ftuar, të cilët synojnë të fitojnë vend në Kombëtare.

Kosova ndeshjen miqësore ndaj Çekisë do ta zhvillojë më 31 maj , në stadiumin “epet ARENA”, me fillim nga ora 16:00.

KosovaPress