Në një kohë kur ekonomia globale po përjeton një “pasiguri” dhe ndryshime të shpejta, ka një nevojë urgjente që Qeveria e ardhshme, të ketë përqendrim në zhvillimin e eksporteve dhe të hartojë një strategji konkrete dhe dinamike për implementimin e reformave ekonomike.  Kështu ka thënë njohësi i çështjeve ekonomike Emanuel Bajra, i cili shton këto janë çelësi për të përballuar sfidat që vijnë dhe për të siguruar një rritje të qëndrueshme të ekonomisë, duke mbështetur bizneset dhe krijuar mundësi të reja për qytetarët, raporton KosovaPress. Këto ditë, administrata Trump vendosi tarifa ndaj gati 200 shteteve të botës, në mesin e tyre edhe Kosovës. Vendit tonë presidenti amerikan Donald Trump i vendosi tarifën doganore bazë prej 10 për qind. Lexo edhe: Në një intervistë për KosovaPress, Bajra ka theksuar gjithashtu se një element kyç i suksesit do të jetë krijimi i një dialogu të drejtpërdrejtë me bizneset, për të identifikuar mundësitë që mund të ndihmojnë ndërmarrësit me potencial për të kontribuar në zhvillimin ekonomik të Kosovës. Në anën tjetër, Emanuel Bajra derisa flet për remitancat, sugjeron krijimin e një mekanizmi financiar që mund të orientojë këto para në zhvillimin e bizneseve, si dhe të krijojë mundësi për kredi me kamata të ulëta për sipërmarrësit e Kosovës, pasi që sipas tij, shumë para nga bashkatdhetarët janë duke u futur në hipotekë, prona. Ndërsa, nënvizon se shteti duhet të fokusohet më shumë në identifikimin strategjik të Kosovës si aset.  Derisa për krijimin e Fondit Sovran të Kosovës, thotë se Ligji për të njëjtin fond është ende në pritje të vendimit final nga Gjykata Kushtetuese, porse thekson se kjo është një mundësi e rëndësishme për menaxhimin e aseteve strategjike të Kosovës në të ardhmen. Kujtojmë se, partitë opozitare e patën dërguar për vlerësim në Gjykatën Kushtetuese Ligjin për Fondin Sovran e sapo miratuar në Kuvend. Fondi Sovran nga qeveria Kurti ishte vlerësuar si projekt i rëndësishëm ekonomik për vendin. Fondit Sovran pritej t’i barteshin pasuritë më të rëndësishme publike të Kosovës. Në këtë pasuri, me të cilën synohej të menaxhonte Fondi Sovran, hyjnë ndërmarrjet publike të shtetit, ndërmarrjet shoqërore dhe asete, të cilat aktualisht menaxhohen nga Agjencia Kosovare e Privatizimit (AKP). Lexo edhe: Intervista e plotë në sistemin me parapagim.