Rusia ka lëshuar "në total më shumë se 160 raketa për sulme ajrore", u tha gazetarëve të enjten një zyrtar i lartë i mbrojtjes amerikane.
“Shumica e raketave janë "raketa balistike ", por sulmet totale ajrore përfshijnë një "përzierje raketash me rreze të mesme veprimi si dhe raketa lundrimi", tha zyrtari.
Qeveria e Ukrainës thotë se tanket dhe trupat ruse kaluan kufirin duke filluar një sulm frontal, që mund të ndryshojë rendin gjeo-politike, me pasojat që kanë filluar të ndihen tashmë në mbarë botën.
Duke filluar një nga veprimet më agresive ushtarake, që nga pushtimi sovjetik i Afganistanit, Presidenti Putin injoroi dënimin nga mbarë bota, si dhe sanksionet në rritje që pritet të vendosen ndaj Rusisë. Ai kërcënoi vendet e tjera “me pasoja që nuk i kanë parë ndonjëherë”, siç u shpreh ai, në rast se ato ndërhyjnë; dhe me gjakftohtësi iu referua arsenalit bërthamor të vendit të tij.
