Zyrtare: Ky është transferimi i parë i Bayernit
Lexohet për: 1 min.
2-Zyrtare
1 vit më parë
Linku u kopjua

Bayern Munichu përmes një komunikate në faqen zyrtare ka bërë të ditur se ka siguruar transferimin e mesfushorit Konrad Laimer.

Laimer i bashkohet Bayernit në një marrëveshje deri më 30 qershor të vitit 2027, ku 26 vjeçari kalon te kampioni gjerman si lojtar i lirë pasi i skadoi kontrata me RB Leipzigun, raporton KosovaPress.

“Jemi tejet të lumtur që kemi nënshkruar me Konrad Laimer. Ai vjen te ne si fitues i dy herë Kupës DFB, dhe së bashku ne shpresojmë që do të festojmë më shumë fitore dhe më shumë tituj këtu te Bayerni”, tha shefi ekzekutiv i Bayernit, Jan-Christian Dreesen.

Ndërkaq, Laimer tha se kalimi i tij te Bayerni është një ëndërr e bërë realitet.

“Është një ëndërr e bërë realitet për mua. Bayerni është njëri nga klubet më të mëdha në botë. Do të jap gjithçka nga vetja për klubin dhe tifozët”, tha Laimer.

Konrad Laimer arriti të bëjë 190 paraqitje në të gjitha garat për Leipzigun, ku shënoi 15 gola dhe e fitoi Kupën DFB dy herë në vitin 2022 dhe 2023.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025