Zyrtare: Chelsea përforcon mbrojtjen
Chelsea e ka kompletuar transferimin e mbrojtësit Benoit Badiashile nga Monaco, ku mbrojtësi francez ka nënshkruar një kontratë shtatë vjeçare e gjysmë me klubin anglez.
Detajet financiare nuk u zbuluan, por mediat britanike raportuan se marrëveshja u arrit për afro 40 milionë euro, përcjell KosovaPress.
“Ne jemi të lumtur ta mirëpresim Benoit te Chelsea”, tha pronari i Chelseat, Todd Boehly.
“Ai është një lojtar i ri i shkëlqyer i cili shumë shpejt ka arritur një reputacion të tij, dhe ka një eksperiencë të madhe për moshën e tij të re. Ne jemi të sigurt se ai do të jetë pjesë kyçe e skuadrës për të ardhmen”, shtoi më tej Boehly.
Badiashile, i cili ka dy paraqitje për Francën, iu bashkua skuadrës së rinjve të Monacos në vitin 2016. 21 vjeçari ka bërë 24 paraqitje në kampionatin francez, duke e ndihmuar Monacon të përfundonte në vendin e tretë në tabelë.
Ai do të garojë për pozitën e titullarit me mbrojtësit e tjerë si Thiago Silva, Kalidou Koulibaly, Trevoh Chalobah dhe Wesley Fofana.
