Ndeshja tejet e pritur mes kampionëve të Evropës dhe të Amerikës Latine, e planifikuar për t'u zhvilluar në Katar, është anuluar zyrtarisht.

Shkak për këtë vendim janë bërë tensionet e fundit në Lindjen e Mesme dhe dështimi i palëve për të gjetur një marrëveshje mbi lokacionin e ri. Ndonëse Spanja ishte e gatshme të luante në "Santiago Bernabéu" dhe të pranonte fitime më të vogla, Argjentina refuzoi opsionin e Madridit, duke insistuar që ndeshja të luhej në tokën argjentinase ose me kushte financiare që nuk u pranuan nga UEFA.

Përveç mospajtimeve financiare dhe logjistike, raportohet se trajneri Lionel Scaloni kishte rezervat e tij teknike, duke u frikësuar se një humbje e mundshme (ngjashëm me atë 6-1 të vitit 2018) mund të dëmtonte moralin e skuadrës para Botërorit 2026.

Tashmë, sytë e tifozëve mbeten te Kupa e Botës, ku një përballje e mundshme mes Lionel Messi-t dhe Lamine Yamal-it do të ishte skenari më i ëndërruar, me Spanjën që aktualisht shihet si favorite e lehtë falë formës së tyre teknike dhe dominimit në zotërimin e topit.

KosovaPress