Kryetari i Prizrenit, Shaqir Totaj zhvilloi sot një takim me shtabin emergjent të krijuar për gjendjen aktuale me zjarre të hapura në Prevallë me ç’rast u njoftua se situata është nën kontroll, nuk janë duke u djegur drunjtë e lartë, prandaj, rrjedhimisht rreziku është më i vogël. Gjithsesi, me ekipin tij, Kryetari Totaj vizitoi sot këtë zonë për ta parë nga afër gjendjen e krijuar. 

“Meqenëse kemi të bëjmë me Park Nacional, nënkuptohet se edhe institucionet e nivelit kombëtar, por edhe ndërkombëtar si KFOR-i, kanë obligime dhe shtabi është në koordinim të plotë me të gjithë akterët e autorizuar që po merren me këtë çështje, derisa gjendja po monitorohet dhe nuk pritet eskalim”, thuhet në njoftim.

Më tej thuhet se sot, planifikohet intervenim dhe lokalizim i zjarrit për ta pasur nën kontroll dhe për t’i minimizuar pasojat eventuale.

Kryetari Totaj ka falënderuar të gjithë pjesëtaret e institucioneve lokale dhe qendrore për kontributin që po japin në menaxhimin e situatës së krijuar.

"Çfarëdo informacioni tjetër, nga kushdo që vjen, mund të jetë spekulim dhe si i tillë është pak i besueshëm. Do të ju mbajmë të informuar në vazhdimësi për zhvillimet që mund të ndodhin ndërkohë” citohet kryetari Totaj në komunikatë.

https://kosovapress.com/556279

https://kosovapress.com/zjarri-ne-afersi-te-aeroportit-te-prishtines-demet-me-mije-euro