Lamine Yamal u kurorëzua Sportisti i Ri Botëror i Vitit Laureus në Palacio de Cibeles në Madrid, fituesi i parë i këtij nderi të ri, 18-vjeçari tashmë ka dy çmime Laureus në emrin e tij.

Yamal shënoi 18 gola, kontribuoi me 21 asiste dhe një fitore të trefishtë vendase me Barcelonën, duke përfshirë La Liga-n, Kupën e Mbretit dhe Superkupën e Spanjës në vetëm 18 vjeç.

Përveç kësaj, ai është lojtari më i ri që ka garuar në një Kampionat Evropian, shënuesi më i ri i një goli dhe lojtari më i ri që ka marrë pjesë në një finale.

Ai është vlerësuar me Trofeun Kopa në dy raste. Rekordet kanë qëndruar për dekada dhe ai i ka thyer shumicën e tyre. Dymbëdhjetë muaj më parë, Lamine Yamal fitoi “Përparimin e Vitit” në të njëjtin event, derisa i’u shtua një trofe i dytë, i ndryshëm.

Ndërkohë detaji interesant me ceremoninë ishte se kë zgjodhi të nxirrte në pah kur mori çmimin e tij. Jo një trajner, as një shok skuadre. Ai përmendi Messin.

“Ai është më shumë se një idhull. Mendoj se të gjithë e respektojnë atë për atë që ka arritur, ai ka qenë pjesë e fëmijërisë së të gjithë fëmijëve, pasi luanim në park ose në shkollë dhe shpresoj se do të jem në gjendje të ndjek gjurmët e tij” – tha Yamal.

Lionel Messi është ende i vetmi futbollist që ka fituar çmimin prestigjioz Laureus, Sportisti Botëror i Vitit.

KosovaPress