Trajneri i Barcelonës Xavi Hernandez ka thënë se ata do ta mposhtin Real Madridin në finalen e Superkupës së Spanjës, pasi pretendoi se skuadra e tij e meritonte të fitonte në takimin e fundit.

Barcelona u përball me Osasunën në gjysmëfinalen e Superkupës të enjten, duke shënuar një fitore të rehatshme 2-0. Fitorja e blaugraneve sjellë një përsëritje të finales së vitit të kaluar, ku Blaugranët mundën Los Blancos me rezultat 3-1.

"Unë mendoj se në El Clasicon e ligës, ne dominuam pjesën më të madhe të ndeshjes. Mund ta krahasoj atë me finalen e sezonit të kaluar. Mendoj se ne mund t'i dominojmë ata dhe ta fitojmë.Superkupën", tha spanjolli, përcjellë KosovaPress.

Herën e fundit që të dy skuadrat u takuan, Madridi realizoi një rikthim mbresëlënës në pjesën e dytë, me një dygolësh të Jude Bellingham që vulosi një fitore 2-1. Barça ka pasur vështirësi që atëherë dhe e ka gjetur veten shtatë pikë prapa Los Blancos në garën për titull në La Liga.