Grupi parlamentar i Vetëvendosjes akuzon Komisionin hetimor parlamentar për procesin e subvencionimit të blerjes së teksteve shkollore 2023/2024, se ka shkelur ligjin për hetim parlamentar dhe rregulloren e Kuvendit, dhe se draft-raporti nga ky komision është hartuar në zyrat e PDK-së për propagandë.

Reagimi i grupit parlamentar të Vetëvendosjes vjen pas dështimit të mbajtjes së mbledhjes së fundit në mungesë kuorumi.

Në një konferencë për media, deputeti Armend Muja ka thënë se pjesa e opozitës në komision kanë sabotuar dhe shkelur afatet procedural për intervistimin e 66 dëshmitarëve dhe se draft-raporti është hartuar në zyrat e Partisë Demokratike të Kosovës.

Deputeti tjetër nga LVV-ja, Arbër Rexha ka bërë të ditur se do të kërkojnë nga kryetari i Kuvendit Glauk Konjufca që mbledhja e fundit e komisionit hetimor parlamentar të mos konsiderohet e mbajtur.

Në mbledhjen e djeshme ishte paraparë intervistimi i dëshmitarëve Fadile Dyla, sekretare e përgjithshme e MASHTI-t, Avni Rexha, ushtrues detyre i drejtorit të Departamentit të Arsimit Parauniversitar dhe Genc Hamzaj nga Agjencia e Shoqërisë së Informacionit – ASH.

Në mungesë kuorumi, kryetari i komisionit Shemsedin Dreshaj ka thënë se deputetët nga pushteti sërish nuk janë prezentë. Ndërsa, deputeti i PDK-së, Ardian Kastrati, tha se raportin duhet dërguar në prokurori, në mënyrë që kjo e fundit të merret me procesin e subvencionimit të teksteve shkollore.

Lajmi i plotë në sistemin me parapagim.