Partia Socialdemokrate ka dorëzuar një letër te Prokuroria Speciale e Kosovës për të vlerësuar kushtetutshmërinë e marrëveshjes së vitit 2013 në mes Hashim Thaçit dhe KFOR-it, që nuk do ta dërgojnë FSK-në në veri, përderisa edhe së fundmi nëpërmjet një letër zotimi, ministri i mbrojtjes, Ejup Maqedonci e ka bërë të njëjtin zotim te komandanti i KFOR-it, Enrico Barduani.

Anëtari nga kjo parti, Zgjim Hyseni derisa ka akuzuar kryeministrin e tanishëm, Albin Kurit për rizotimin e mos dërgimit të FSK-së në veri, ka thënë se letra e dërguar, e riafrimon marrëveshjen e vitit 2013, të cilën Kurti e kishte quajtur si diçka të papranueshme, marrëveshje sekrete, e deri tek niveli i tradhtisë.

Para mediave ai ka kujtuar Kurtit se në vitin 2020 e kishte quajtur si diçka të papranueshme, e kishte quajtur marrëveshje sekrete, cenim të sovranitetit, deri në nivelin e tradhtisë.

Sipas Hysenit, marrëveshja që dikur ishte quajtur akt tradhtie, sot është afrimu prej të njëjtit kryeministër, përmes ministrit të tij të mbrojtjes. Sipas Hysenit, kjo nuk është thjesht hipokrizi, por duhet të parashtrohet pyetja, se prej cilës perspektivë një akt kur e bën dikush tjetër e quan tradhti, ndërsa të njëjtën gjë e bënë vetë.

Hyseni thotë  se në Prokurori e kanë dërguar nëse marrëveshja e vitit 2013, është shkelje kushtetutese si e ka cilësuar Kurti, “atëherë riafirmimi i saj prej Maqedonci, duhet me u cilësua si shkelje, me kriteret e vet kryeministrit”,

“Ne sot e kemi dërgu në Prokurori nëse marrëveshja e vitit 2013, qysh vetë Kurti e ka cilësuar, si shkelje të kushtetutës, për shkak se ka thënë që është traktat ndërkombëtar pa u votu në kuvend, nëse ajo ka qenë shkelje, atëherë riafirimi i saj prej Maqedonci, duhet me u cilësu si shkelje, me kriteret e vet kryeministrit”, thotë ai.