Grupi i rezistencës palestineze Hamas njoftoi të mërkurën herët se shefi i byrosë së tij politike Ismail Haniyeh u vra në një sulm ajror izraelit që synonte rezidencën e tij në kryeqytetin iranian Teheran.

“Hamasi vajton për popullin tonë të madh palestinez, për kombet arabe dhe islamike dhe për të gjithë njerëzit e lirë të botës, dëshmorit, Muxhahidit Ismail Haniyeh, kreut të lëvizjes, i cili u vra në një sulm të pabesë zionist ndaj tij në rezidencën e tij në Teheran pas pjesëmarrjes në ceremoninë e inaugurimit të presidentit të ri iranian”, thuhet në një deklaratë në Telegram.

Televizioni shtetëror iranian raportoi gjithashtu vdekjen e Haniyeh, duke vënë në dukje se një hetim për atentatin është në vazhdim dhe se rezultatet do të shpallen së shpejti.

Asnjë njoftim i menjëhershëm nuk është bërë nga Izraeli për incidentin./AA/