Virusi i Nilit Perëndimor, IKSHPK kërkon nga qytetarët të kenë kujdes nga pickimi i mushkonjave
Lajme
Lexohet për: 2 min.
Instituti Kombëtar i Shëndetësisë Publike(IKSHPK) ka shtuar gatishmërinë në parandalimin e sëmundjes së virusit të Nilit Perëndimor i cili shkakton sëmundje sezonale muajve të verës.
IKSHPK-ja ka bërë të ditur se në Kosovë nuk ka raste me këtë lloj virusi, por u ka bërë thirrje qytetarëve që të kenë kujdes nga pickimi i mushkonjave.
IKSHPK-ja po ashtu ka ndarë disa informacione dhe rekomandime lidhur me këtë virus.
Njoftimi i plotë:
Kujdes nga pickimi i mushkonjave ?!
ℹ️ Virusi i Nilit Perëndimor, i cili shkakton sëmundje sezonale të muajve të verës, ka bërë që ekspertë të Institutit Kombëtar të Shëndetësisë Publike të Kosovës, të shtojnë gatishmërinë në parandalimin e shfaqjes së sëmundjes.
ℹ️ Në Kosovë nuk ka raste të raportuara të Virusit të Nilit Perëndimor, por duke pasur parasysh se raste të këtij virusi janë regjistruar në disa vende të Evropës si në Spanjë, Itali, Greqi dhe në rajon gjithashtu, IKSHPK bën thirrje për kujdes të qytetarëve dhe parandalim të infeksioni që tek njerëzit kryesisht është rezultat i pickimit nga mushkonjat e infektuara.
ℹ️ IKSHPK ndan përmes infografikave në vijim për qytetarët informacionet dhe rekomandimet lidhur me Virusin e Nilit Perëndimor (WNV).
#ShëndetiPublik