Arkat e bamirësisë u vodhën gjatë ditës së dielë në dy objekte fetare në Lipjan. Policia nuk e ka dhënë kohën e saktë se kur kanë ndodhur këto raste kriminale, e as shumën e parave që gjendej në to, por vetëm ka konfirmuar se ka nisur hetimet, transmeton KosovaPress.

Njëjtë po hetohet edhe vjedhja e tri armëve të zjarrit që një personi iu vodhën, në të njëjtën ditë, brenda shtëpisë së tij në Podujevë. Sipas viktimës, armët që janë me leje përkatëse, kanë vlerë 2.150 euro.