Një 68-vjeçare ka ndërruar jetë si pasojë e goditje nga një automjet në rrugën “Ekrem Rexha” në Prizren.

Shaqir Bytyqi, zëdhënës i policisë rajonale për Prizren, ka bërë të ditur për KosovaPress, se 68-vjeçarja ishte goditur në vendkalimin për këmbësor nga një me automjet, rreth orës 11:28.

“Ngasësi mashkull, 55-vjeçar me automjetin e tij nuk vëren këmbësoren, e cila ishte duke kaluar rrugën në vendkalimin e shënuar për këmbësorë dhe e godet me automjet. Si pasojë e aksidentit, këmbësorja pëson lëndime trupore dhe dërgohet në qendrën emergjente të spitalit të Prizrenit, prej nga dërgohet për tretman të mëtejmë në QKUK në Prishtinë. Rreth orës 17:15 nëpërmjet telefonit nga QKUK Prishtinë, policia ka pranuar informatën se këmbësorja ka vdekur”, ka thënë Bytyqi.

Me urdhër të prokurorit kujdestar trupi i pajetë i viktimës dërgohet në Institutin e Mjekësisë Ligjore në Prishtinë për autopsi, ndërsa ngasësi i automjetit ndalohet për 48 orë.