Në konferencën e Bashkimit Evropian për edukimin mediatik janë prezantuar edhe biseda frymëzuese nga themelues të mediave.

Albana Jashanica, themeluese e medias "Katror", tregoi se nga fillimi janë përqendruar që mbledhin copëza lumturie nga aktivistë e qytetarë.

"Katrori e bën këtë, mbledh copa lumturi nga aktivistët, njerëzit e përditshëm, nga figurat publike, nga anë e kënd Kosova. Për shembull Anisa, aktore pasionante ka lexuar shumë libra për studentët, të cilët janë të verbër dhe kështu ka bërë libra me audio. Ariani është një fotograf nga Kamenica, i cili tregon diversitetin e Kosovës. Këto janë storie të pa treguara që inspirojnë dhe të cilat duhet të tregohen. Siç e dini, bota sot është e përmbytur me lajme dhe shumica prej tyre negative... përmbajtja është komplet përçarëse dhe skandale", tha ajo.

"Veç lajme të mira" është moto e kësaj media, ku Jashanica tha se janë te fokusuar që të shoërndajnë anën e ndritshme të vendit.

"Katror ka zgjedhur një shteg tjetër. Ne duam të tregojmë diçka tjetër. Ne duam të tregojmë anën e ndritshme....dhe këto nuk e kapin dritën, jo pse nuk janë të rëndësishme, por nuk përshtaten me modelin ‘klik-bajt’ të mediave të sotme", shtoi ajo.

Konferenca e Bashkimit Evropian për edukimin mediatik dhe gazetarë konstruktive po mbahet në Prishtinë në mesin e shumë profesionistëve, përfaqësuesve të mediave në Kosovë dhe rajon.