Ka ndërruar jetë ish-kryetari i komunës së Lipjanit, Ismajl Jashari.

Lajmi është bërë i ditur nga kryetari aktual Imri Ahemeti, i cili ka ngushëlluar familjen për ndarjen nga jeta të ish-kryetarit, Ismajl Jashari.

“Me pikëllim të thellë morëm lajmin për ndarjen nga jeta të Ismajl Jasharit, i cili gjatë ushtrimit të detyrës si kryetar i Komunës së Lipjanit, në periudhën para luftës, ka dhënë kontribut të rëndësishëm në udhëheqjen dhe zhvillimin e komunës”, thuhet në njoftim.

Komuna e Lipjanit me në krye Imri Ahmetin, vlerësoi punën dhe përkushtimin e Jasharit në drejtimin e komunës.

“Kontributi i tij si ish-kryetar do të vlerësohet gjithmonë si pjesë e rrugëtimit dhe ndërtimit të institucioneve tona lokale. Në këto momente të vështira, shprehim ngushëllimet më të sinqerta për familjen Jashari, të afërmit, miqtë, bashkëpunëtorët dhe të gjithë ata që patën rastin ta njohin dhe të punojnë me të.”

Ismajl Jashari udhëhoqi Komunën e Lipjanit në periudhën e paraluftës.

/Kosovapress/