Gruaja e cila kishte marrë plagë të rënda nga të shtënat me armë zjarri mbrëmë në Prishtinë ka ndërruar jetë.

Kjo është konfirmuar për KosovaPress nga shefi i Klinikës Intensive, Shaqir Uka i cili tha se përkundër tretmanit mjekësor pacientja ka ndërruar jetë.

“Fatkeqësisht pacientja që ju i referoheni nuk ka arritur t’i bëjë ballë plagëve që ka pësuar nga arma e zjarrit mbrëmë, përkundër tretmanit mjekësor edhe atij medikamendor dhe atij kirurgjik që e ka marrë dhe pacientja fatkeqësisht ka ndërruar jetë në ora 10:45 në repartin intensiv ku ka qenë tu e marr trajtimin mjekësor”, tha Uka.

Sipas tij në njësinë e Kliniken Intensive kanë pasur vetëm këtë paciente nga incidenti i mbrëmshëm.

Derisa edhe Prokuroria Themelore në Prishtinë ka dhënë detaje për rastin për KosovaPress.

Në një përgjigje për KosovaPress, zëdhënësja e Prokurorisë Themelore në Prishtinë, Laureta Ulaj, tha se në vendin e ngjarjes janë sekuestruar gëzhoja, veturë e prova të tjera materiale të cilat do të shërbejnë në procedurën penale.

https://kosovapress.com/prokuroria-jep-detaje-nga-vrasja-e-rende-ne-prishtine