Partia Socialiste përveç fitores që tanimë dihet në bashkitë Kamëz, Vora, Elbasan, Pusteci, Delvinë, Klos, Kolonja, Këlcyrë, Tepelenë, sipas rezultateve të fundit të KQZ-së, ka fituar edhe në Pukës, Peqin, Elbasan dhe Delvinë. Kurse, koalicioni Bashkë Fitojmë, deri tash ka fituar vetëm në Libohovë dhe Memaliaj. Ndërkohë, numërimi i votave po vazhdon në bashkitë tjera.

Tanimë ka përfunduar procesi i numërimit të votave në bashkinë Dropull, ku ka fituar kandidati i PS-së, Dhimitraq Toli me 81.25% ose 3709 vota. Kurse, kandidati i koalicionit Bashkë Fitojmë, ka marrë 14.87% ose 679 vota.

Procesi i numrit të votave ka përfunduar edhe në bashkinë e Pukës, ku ka fituar kandidati i BF me 58.13% ose 3480 vota. Kurse, PS ka marrë 41.87%. Ndërsa, Gjon Gjonaj 2507 vota.

Në Peqin, pas numërimit të të gjitha votave, del se ka fituar kandidati i PS me 57.78% ose 6400 vota. Kurse, kandidati i BF ka marrë 42.22% ose 4677 vota.

Në Elbasan janë numëruar 98.66% të votave dhe fitues do të jetë kandidati i PS, Gledian Llatja me 56.17% ose 34936 vota, i cili tanimë ka nis të urohet nga qytetarët. Ndërsa, kandidati i BF-së, Luçiano Boçi ka marrë 43.83% ose 27263 vota.

E në Delvinë, janë numëruar 95.45% të votave, ku fitues do të jetë kandidati i PS-së, Besmir Veli 62.61% ose 2868 vota. Kurse, kandidati i BF-së, Ilir Mehmeti ka marrë 37.39% ose 1713 vota.

Sot gjatë ditës pritet të dalin rezultatet për 61 bashki, për të cilat votuan dje qytetarët e Shqipërisë.

https://kosovapress.com/admin/perfundon-numerimi-i-votave-ne-dhjetera-bashki-ne-shqiperi-ne-shumicen-fiton-ps/