Pjesë të trupave të gjetura në dy valixhe në urën Clifton në Bristol mendohet se janë të dy burrave, ka thënë policia britanike sot.

Policia Metropolitane, e cila po udhëheq hetimet, tha se asnjëra nga viktimat nuk është identifikuar zyrtarisht.

Hetimet sugjerojnë se një burrë i identifikuar si i dyshuar udhëtoi për në Bristol nga Londra të mërkurën përpara se të gjendeshin mbetjet, tha Scotland Yard.

Një banore e zonës tha në kushte anonime për Sky News se ajo dhe mamaja e saj u zgjuan në orën 4:30 të mëngjesit nga zhurma e lehjeve të qenve dhe një zhurmë e madhe jashtë, ndërsa policia mbërriti në pronë.

Ajo shtoi se kishte parë oficerë me kostume blu të mjekësisë ligjore që hynin dhe dilnin. Gruaja tha se ishte "e frikshme" të mendosh se diçka e lidhur me zbulimin e trupave në Bristol mund të kishte ndodhur kaq afër shtëpisë së saj.

Policia e Avon dhe Somerset, të cilët nuk e kanë identifikuar të dyshuarin, publikuan një fotografi të tij duke kërkuar nga qytetarët të ndihmojnë në kapjen e tij.

Oficerët morën raporte pak para mesnatës të së mërkurës për një burrë me një valixhe që vepronte në mënyrë të dyshimtë në urë.

Policia mbërriti në vendngjarje brenda 10 minutash, por burri ishte zhdukur, duke lënë një valixhe pas. Një valixhe e dytë u gjet aty pranë pak kohë më vonë. Në të dyja u gjetën se kishin mbetje njerëzore.

Besohet se i dyshuari mori një taksi, tha ushtruesi i detyrës së komandantit të Bristol, Vicks Hayward-Melen. Shoferi i taksisë po ndihmon në hetimin e policisë dhe është sekuestruar automjeti i tij. /SkyNews