Kryetari i Komunës së Shtimes, Qemajl Aliu, emëroi sot në detyrën e re, drejtoreshë për Shëndetësi dhe Mirëqenie Sociale, Mimoza Salihu-Qeriqi, vajzën e dëshmorit të parë të Komunës së Shtimes, Ruzhdi Salihut.

“Me krenari e emocione të mëdha mirëprita sot zonjën Mimoza Salihu-Qeriqi, bijën e dëshmorit të parë të Komunës sonë, Ruzhdi Salihut, e cila me nder dhe përgjegjësi do të shërbejë si drejtore e re e Shëndetësisë. Mimoza është e diplomuar në gradën Master në fushën e Ekonomisë dhe Financave në UP dhe na bashkohet falë përkushtimit, përvojës e profesionalizmit të dalluar, duke sjellë ndryshime të mëtejshme pozitive për qytetarët tanë. Suksese në detyrën e re dhe mirësevjen në kabinetin tonë, Mimoza. Na priftë e mbara në rrugëtimin tonë të përbashkët!”, tha Aliu.