Vajza e dëshmorit Myrtë Zeneli nga fshati Shqiponjë, Lena Zeneli, përmes një postimi në rrjetin social në “Facebook” ka bërë thirrje që në zgjedhjet parlamentare të 9 shkurtit të votohet për deputet, afaristi, Ramush Ahmetaj, i cili është pjesë e listës së AAK-së me numër 109.
Lena në këtë shkrim thotë se Ramush Ahmetaj është njëri nga luftëtarët dhe eprorët shembullor të Zonës Operative të Dukagjinit, duke theksuar se ai në një moshë të re ka dhënë kontribut të jashtëzakonshëm për lirinë dhe pavarësinë e Kosovës.
Postimi i plotë i vajzës së dëshmorit Myrtë Zeneli, Lenës
Po e marr të drejtën t’ju drejtohem me një thirrje për përkrahjen ndaj kandidaturës së dajës tim, Ramush Ahmetaj, njëri nga luftëtarët dhe eprorët shembullor të Zonës Operative të Dukagjinit. Në një moshë të re, ai ka dhënë një kontribut të jashtëzakonshëm për lirinë dhe pavarësinë e Kosovës, duke u angazhuar pa u lodhur për të mbrojtur vlerat e kombit dhe për të siguruar një të ardhme më të mirë për atdheun. Ky angazhim ka ndikuar thellësisht në formimin e një brez të ri që beson se mund të realizohen ndryshime të mëdha dhe pozitive.
Ne besojmë fuqishëm se përvoja, guximi, serioziteti në punë dhe dashuria e madhe për vendin që i ka shërbyer, janë vlera të pazëvendësueshme që do të kontribuojnë në transformimin e Kosovës. Ramushi do të sjellë një qasje të re dhe vendimmarrje që do të fuqizojë shtetin dhe do të përmirësojë jetën e qytetarëve. Ky është momenti kur mund të shfrytëzojmë mundësinë për të sjellë ndryshime konkrete dhe të qëndrueshme për të gjithë popullin e Kosovës, duke zgjedhur përfaqësues të denjë si ai.
