Ushtarë të FSK-së certifikohen në avancimin e teknikave të xhudos
Lexohet për: 2 min.
1 vit më parë
Linku u kopjua
Në kuadër të programit shtetëror "Kosova, shtet i xhudos", në Qendrën Nacionale të Xhudos në qytetin e Pejës, ka përfunduar trajnimi i pjesëtarëve të Forcës të Sigurisë të Kosovës (FSK) në avancimin e teknikave të xhudos dhe vetëmbrojtje,
Kryetari i Federatës së Xhudos, Agron Kuka ka thënë se xhudo po lë gjurmë të pashlyeshme me punën e saj, ndërsa do të vazhdohet edhe më tutje me certifikimin e ushtarëve të tjerë
Kryeministri i Kosovës, Albin Kurti, tha se ky certifikim i ushtarëve të FSK-së është fryt i bashkëpunimit institucional dhe se kjo do t’i forcojë edhe më tutje djemt dhe vajzat e ushtrisë së Kosovës
Ndërsa trajneri Driton Kuka tha se ishte tejet i mahnitur me përkushtimin e ushtarëve të FSK-së për të mësuar teknikat e xhudos gjatë katër javëve stërvitjeje dhe se një punë e tillë do të vazhdojë edhe më tutje me FSK-në dhe Policinë e Kosovës
Pjesëmarrës në këtë ceremoni ishin edhe Ministri i Ministria e Kulturës, Rinisë dhe Sportit, Hajrulla Çeku, Ministri i Ministria e Mbrojtjes e Republikës së Kosovës, Ejup Maqedonci dhe Komandanti i FSK-së, Bashkim Jashari.
