Ultrasit e Milanit do të vazhdojnë protestën e tyre të heshtur kundër drejtuesve të klubit në ndeshjen e tyre të ardhshme në Serie A me Cagliarin.

Ultras kuqezinjtë – të udhëhequr nga Curva Sud dhe Shoqata e Klubit të Milanit – organizuan një protestë të heshtur në barazimin e fundit 3:3 me Genoan, duke i bërë gjashtë kërkesa drejtuesve të skuadrës mes një atmosfere të mjerueshme në kryeqytetin e Lombardisë, raporton KosovaPress.

Ultras nga Curva Sud vendosën gjashtë pankarta përpara fillimit të ndeshjes kundër Genoas, duke bërë thirrje për "strategji komunikimi, prani institucionale, nënshkrime të përshtatshme, kohezion, ambicie dhe aftësi". Ata janë të pakënaqur me punën e Stefano Piolit dhe drejtorëve që punojnë mbi të.

“La Gazzetta dello Sport” detajon se si ultrasit e Milanit do të vazhdojnë protestën e tyre në ndeshjen e ardhshme të ligës me Cagliarin, pa brohoritje, flamuj apo pankarta që priten në tribunat e “Stadio Giuseppe Meazza”.

Lëvizja padyshim që pati një efekt te lojtarët gjatë barazimit të tyre me Genoan dhe lojtarëve do t'u duhet sërish të luftojnë tensionet teksa kërkojnë fitoren ndaj skuadrës së Sardenjës.