Komisioni i Garave i Superligës së Kosovës dhe Ligës së Parë ka marrë vendim që ta anulojë ndeshjen mes KF Ulpianës dhe KF Vllaznia Pozheran.

Ndeshja mes Ulpianës dhe Vllaznisë së Pozheranit i takoi Grupit B të Ligës së Parë, dhe përfundoi me rezultat 3:4 në favor të Vllaznisë, raporton KosovaPress.

Por Komisioni i Garave i Federatës së Fubtollit të Kosovës (FFK) ka marrë vendim që ndeshja të anulohet, dhe e njëjta të regjistrohet si ndeshje e luajtur dhe rezultati i saj mos të regjistrohet.

Më tej, edhe pikët dhe golat e shënuara nuk do të regjistrohen në tabelën e klasifikimit të ligës përkatëse.

E gjithë kjo si vjen si pasojë pasi që sipas FFK-së ndeshja Ulpiana-Vllaznia Pozheran ka qenë e kurdisur.