Këshilltari i kryeministrit Jusuf Ulaj, në panelin për shëndetësi në mbledhjen e Këshillit të Përgjithshëm të LVV-së, ka lavdëruar punën e qeverisjes së drejtuar nga kryeministri Albin Kurti.

AI ka thënë se Qeveria Kurti ka punuar në mënyrë intensive për zhvillimin e shëndetësisë si një prioritet i rëndësishëm për qytetarët, teksa shtoi se ka ende punë për të bërë në këtë drejtim.

“Ne jemi tepër shumë kritik ndaj njëri-tjetrit, bile shumë më shumë se ata që kanë dështuar në qeverisjet e mëparshme dhe kritikat që na vijnë prej atyre për besë nuk i marrim aq shumë shqetësuese sa i marrim ato konfrontime që i marrim ne për të çuar proceset përpara... Jemi të kënaqur përfundimisht, por ka pakënaqësi brenda nesh. Ne duhet të punojmë së bashku që ato t’i ndryshojmë”, ka thënë ai.