Ukraina me kufizime energjetike pas sulmit shkatërrues rus
Ukraina do të zbatojë "masa kufizuese" të konsumit të energjisë elektrike nga e hëna pas një sulmi në shkallë të gjerë rus që dëmtoi rëndë infrastrukturën energjetike të vendit, njoftoi sot Ministria e Energjisë ukrainase.
“Nesër, më 18 nëntor, të gjitha rajonet do të duhet të zbatojnë masat e kufizimit të konsumit për shkak të dëmeve të shkaktuara në instalimet elektrike gjatë një sulmi masiv me raketa dhe dron”, njoftoi ministria në rrjetet sociale.
Rusia nisi sulmin më të madh ajror kundër Ukrainës në gati tre muaj, duke lëshuar 120 raketa dhe 90 drone, duke vrarë shtatë persona dhe duke shkaktuar dëme të mëdha në rrjetin elektrik, thanë zyrtarët.
Sulmet ajrore ruse shkaktuan ndërprerje të shumta të energjisë elektrike, duke lënë njerëzit pa energji elektrike dhe ngrohje. Zyrtarët konfirmuan dëmtimin e "infrastrukturës kryesore" të Ukrainës të shkaktuar nga "sulmet masive të kombinuara ajrore" të ushtrisë ruse dhe ndërprerjet e energjisë në të gjithë vendin, nga Vokin, Rivne, Lviv në Dnipropetrovsk në perëndim dhe Zaporizhia në juglindje.
