Një gjykatës ka vendosur që vendimi ndaj presidentit të zgjedhur Donald Trump në rastin e heshtjes kundër Stormy Daniels do të merret më 10 janar, më pak se dy javë para inaugurimit të tij.

Gjykatësi Juan Merchan tha se Trump nuk do të dënohej me burg dhe se presidenti i zgjedhur mund të paraqitet personalisht ose virtualisht në seancë.

Seanca është caktuar 10 ditë përpara inaugurimit të Trump në Uashington më 20 janar.

Donald Trump në maj 2024 është shpallur fajtor nga një juri në Nju Jork për 34 akuza në lidhje me gjykimin e tij për pagesa parash për të siguruar heshtjen e një aktoreje të filmave për të rritur, duke e bërë atë ish-presidentin e parë të SHBA-së që dënohet për akuza penale të krimit.

Juria prej 12-anëtarësh mori vendimin, duke e shpallur Trump fajtor për fshehjen e një pagese prej 130 mijë dollarësh për Daniels, që ajo të mos e publikojë historinë e saj për lidhjen e tyre të supozuar gjatë zgjedhjeve presidenciale të vitit 2016 dhe duke e shënuar pagesën si shpenzim biznesi.

Trump kishte mbrojtur atë kohë qëndrimin e tij se është i pafajshëm dhe se “të drejtat e tija civile janë shkelur në 'gjueti të shtrigave'”.

“Jo vetëm që ky gjyqtar shumë i konfliktuar dhe i anuar, Juan Merchan, më pengoi të paraqes faktin se nuk kam bërë zbritje tatimore për shpenzim ligjor, por gjyqtari nuk i lejoi avokatët e mi të merrnin të dhënat tatimore nga ish-avokati, emrin e të cilit nuk më lejohet ta përmend për shkak të urdhrit antikushtetues të vendosur ndaj meje", kishte shkruar Trump në Truth Social.